प्रभाग क्र. २६ – आपल्या भागाचे भौगोलिक व सामाजिक महत्त्व पुणे व पिंपरी-चिंचवडला जोडणारा दुवा, संरक्षण विभागाची जवळीक आणि मुंबई–बंगळोर महामार्गाला लागून असलेले स्थान यामुळे आपल्या प्रभागाचे महत्त्व अत्यंत मोठे आहे. हिंजवडी आयटी पार्क, ऑटोमोबाईल व चाकण–भोसरी औद्योगिक क्षेत्रात काम करणाऱ्या अनेक कुटुंबांची प्रथम पसंती हा प्रभाग – हीच आपली ताकद! आपल्या भागात सर्व स्तरांतील नागरिकांचे स्नेहपूर्वक सहजीवन आहे. पुढील २५ वर्षांच्या दृष्टीने वाढणारा निवासी व व्यावसायिक विस्तार लक्षात घेता पाणीपुरवठा, आरोग्य, शिक्षण, उद्याने, भाजी मंडई आणि इतर मूलभूत सुविधांचे सुयोग्य नियोजन हीच माझी प्राथमिकता आहे. प्रत्येक नागरिकाच्या गरजा समजून प्रभागाचा संतुलित व शाश्वत विकास साधणे — हेच माझे ध्येय.

सचिन साठे सोशल फाउंडेशनच्या वतीने आयोजित “न्यू होम मिनिस्टर – खेळ पैठणीचा” हा भव्य कार्यक्रम अत्यंत उत्साहात आणि आनंदमय वातावरणात पार पडला. महिलांच्या उत्स्फूर्त सहभागामुळे आणि त्यांच्या कलागुणांच्या झळाळीमुळे हा उपक्रम खऱ्या अर्थाने संस्मरणीय ठरला. या कार्यक्रमाला मा. आमदार सौ. अश्विनीताई लक्ष्मण जगताप, मा. नगरसेविका सौ. मोनिकाताई मुरलीधर मोहोळ आणि सामाजिक कार्यकर्त्या सौ. स्वप्ना शत्रुघ्न काटे या मान्यवर उपस्थित राहिल्या आणि महिलांना प्रेरणादायी मार्गदर्शन दिले. मला आनंद आहे की या स्पर्धेत अनेक महिलांनी आपले कौशल्य, आत्मविश्वास आणि उत्साह दाखवत अप्रतिम सादरीकरण केले.

दिवाळीच्या आनंदमय वातावरणात सचिन साठे फाउंडेशन तर्फे शहराच्या स्वच्छतेची जबाबदारी समर्थपणे पार पाडणाऱ्या महानगरपालिकेच्या स्वच्छता कर्मचाऱ्यांना कृतज्ञतेच्या भावनेने दिवाळी भेटवस्तू आणि फराळाचे वाटप करण्यात आले. कार्यक्रमादरम्यान कर्मचाऱ्यांशी संवाद साधून त्यांच्या सेवाभावाबद्दल आभार व्यक्त केले. आणि सर्वांना दिवाळीच्या शुभेच्छा दिल्या.

पिंपळे निलख गावचे सुपुत्र सहाय्यक पोलीस निरीक्षक श्री.नितीन शिंदे यांचा हृदय सत्कार करून त्यांच्या पुढील वाटचालीसाठी शुभेच्छा प्रदान केल्या.

सचिन साठे सोशल फाउंडेशन आयोजित “शुभ दिवाळी पहाट – फराळ” हा सुरेल कार्यक्रम उत्साहपूर्ण वातावरणात संपन्न झाला. या कार्यक्रमात विशाल नगर, पिंपळे निलख येथील स्थानिक कलाकारांचा स्वरानंद म्युझिकल ग्रुप यांनी सादर केलेल्या हिंदी आणि मराठी गीतांच्या सुरेल कार्यक्रमाने प्रेक्षकांना मंत्रमुग्ध केले. या प्रसंगी पिंपरी चिंचवड भारतीय जनता पार्टी शहराध्यक्ष मा.श्री. शत्रुघ्न (बापू) काटे यांची प्रमुख उपस्थिती लाभली. सुरेल गाणी, उत्सवी वातावरण आणि आपुलकीच्या फराळासह साजरी झालेली ही दिवाळीची पहाट सर्वांसाठी आनंददायी आणि संस्मरणीय ठरली.

सचिन साठे सोशल फाउंडेशनतर्फे आयोजित “दिवाळी पहाट – फराळ” हा सुरेल आणि आनंदमय कार्यक्रम उत्साहात संपन्न झाला. या निमित्ताने स्वरधारा म्युझिकल ग्रुप तर्फे सादर करण्यात आलेल्या हिंदी–मराठी गीतांच्या सुरेल मैफलीने उपस्थित प्रेक्षक मंत्रमुग्ध झाले. संगीत, स्नेह आणि उत्साहाने सजलेल्या या दिवाळी पहाट कार्यक्रमाने वातावरण आनंदमय केले. चिंचवड विधानसभेचे कार्यसम्राट आमदार, मा.श्री. शंकरभाऊ जगताप यांनी उपस्थित राहून कलाकारांचे कौतुक केले तसेच सर्वांना दीपावलीच्या शुभेच्छा दिल्या. याप्रसंगी परिसरातील नागरिक बंधू भगिनी , जेष्ठ नागरिक महिला वर्ग मोठ्या संख्येने उपस्थित होते.